Kórónuveira

Skilgreiningar

• Þessar leiðbeiningar eiga við um eftirfarandi sýkingar:
  • SARS (Severe Acute Respiratory Syndrome)
  • MERS (Middle Eastern Respiratory Syndrome)
  • COVID-19 (vegna sýkingar með SARS-CoV-2 veiru, áður þekkt sem Kórónaveira 2019-nCoV eða Novel coronavirus) 
• Bati eftir kórónuveirusýkingu:
  • Gjafi telst hafa náð bata ef hann/hún er hitalaus, líður vel og hefur ekki einkenni frá öndunarfærum. 

Almennar reglur

• Staðfest kórónuveirusýking (einangrun): 
  • Ekki má gefa blóð á meðan á sýkingu stendur.
  • Gefa má blóð ef 14 dagar hafa liðið frá því að einkenni hafa gengið yfir og/eða einangrun lýkur í samræmi við reglur sóttvarnaryfirvalda hverju sinni.
• Sóttkví (vegna nándar við COVID-19 tilfelli): 
  • Gefa má blóð ef 2 dagar hafa liðið frá lokum sóttkvíar.
• Smitgát: (Þegar einstaklingur hefur fengið upplýsingar um mögulega útsetningu fyrir COVID-19 en ekki er talin þörf á sóttkví). 
  • Gefa má blóð ef 2 dagar hafa liðið frá lokum smitgátar.
• Heimkoma eftir ferðalag til útlanda 
  • Enginn frestur er lengur vegna COVID-19.

Nánari útskýringar

• Þessar reglur eiga ekki við um kvef eða efri loftvegasýkingar af völdum annarra kórónuveira.
• Blóðgjafar eru beðnir að láta vita veikist þeir innan 14 daga frá blóðgjöf.

Tengt efni

• Smitsjúkdómar og smit
• Sýkingar
• Bólusetning

Til fróðleiks

• Í lok desember 2019 bárust fregnir af alvarlegum lungnasýkingum í Wuhan-borg í Kína, þá af óþekktum orsökum. Í kjölfarið var staðfest að um áður óþekkt kórónaveiruafbrigði er að ræða sem nefnist SARS-CoV-2 veira og veldur COVID-19 sjúkdómi.
• Ekki hefur verið sýnt fram á að kórónuveirur smitist með blóðhlutainngjöfum en ofangreindar reglur eru varúðarráðstafanir.  

Ástæða breytingar

• Skilgreining á bata eftir kórónuveirusýkingu

Upplýsingar til blóðgjafa

• Ef spurningar vakna um heilsufar vinsamlegast hafið samband við heilsugæslulækni.
• Þessi síða er ekki ætluð til þess að leita upplýsinga um sjúkdómsgreiningar eða meðferð.