Blóðsegar

Skilgreining

• Segamyndunarhneigð (e. thrombophilia) er ástand sem gjarnan er arfgengt og einkennist af aukinni áhættu á myndun blóðsega. 
• Segamyndunarhneigð greinist gjarnan vegna erfðarannsókna á fjölskyldum og margir arfberar munu aldrei fá blóðsega

Almennar reglur

• Einstaklingur má ekki gefa blóð ef:
  • Hefur verið greindur með segamyndunarhneigð og hefur fengið blóðsega eða er á segavarnarmeðferð
  • Hefur endurtekið fengið blóðsega sem sem þörfnuðust meðhöndlunar

Nánari útskýringar

• Einstaklingar með segamyndunarhneigð mega gefa blóð ef
  • Engin saga er um blóðsega
  • Eru ekki á segavarnarmeðferð
• Djúpbláæðasegi
  • Ef einstaklingur hefur einu sinni greinst með bláæðasega í djúpæðum útlima má viðkomandi gefa blóð eftir að 6 mánuðir eru liðnir frá lokum segavarnarmeðferðar ef engin undirliggjandi orsök finnst sem hindrar blóðgjöf
  • Ef einstaklingur hefur endurtekið greinst með bláæðasega í djúpæðum útlima má viðkomandi ekki gefa blóð
• Lungnarek
  • Ef saga er um lungnarek skal læknir Blóðbankans meta hvort viðkomandi megi gefa blóð
• Nethimnuæðasegi
  • Ef saga er um nethimnuæðasega (sjónhimnuæðasega) í auga skal læknir Blóðbankans meta hvort viðkomandi megi gefa blóð

Tengt efni

• Bólgueyðandi lyf án stera
• Hjarta- og æðasjúkdómar
• Illkynja sjúkdómur

Til fróðleiks

• Óútskýrð blóðsegamyndun tengist aukinni hættu á æðakölkun, illkynja sjúkdómum og segamyndunarhneigð
• Mögulegt er að blóðgjöf geti aukið hættu á blóðsegamyndun hjá einstaklingi sem hefur segamyndunarhneigð

Ástæða breytingar

• Reglur um segamyndunarhneigð en engir fyrri blóðsegar/segavarnarmeðferð

Upplýsingar til blóðgjafa

• Ef spurningar vakna um heilsufar vinsamlegast hafið samband við heilsugæslulækni.
• Þessi síða er ekki ætluð til þess að leita upplýsinga um sjúkdómsgreiningar eða meðferð.